送子鳥生殖中心&愛生育銀行(港澳專區)-試管嬰兒IVF/雪卵/借卵/借精/免費諮詢

大家都知道第三代試管嬰兒即係有PGS (胚胎著床前染色體篩檢)，但唔知妳地又有冇聽過三代試管嬰兒 普拉斯 (PLUS)   呢？

今次有幸請到我地送子鳥生殖醫學中心既賴興華院長黎同大家講解究竟咩係三代試管嬰兒普拉斯 (PLUS)

事不宜遲！我地去片！！

     43歲仲想做媽咪，你會點樣做? 如果有兩條路比你揀，一條路好似搭飛機咁，一年就可以抱住BB，另一條路就好似搭巴士，要努力幾年，仲要貴2倍，應該大部分人會揀第一條路，但係佢就揀左第二條路。

     佢有咁嘅決定並唔係同自己過唔去，亦都唔係有好多錢可以嘥，而係佢「唔想借卵」，呢個係好多女性嘅心中最痛，最後悔莫過於後生嗰陣無去雪卵。

鍾意小朋友既你成日喺fb到分享朋友同小朋友既post，相裡面小朋友同爸爸媽媽都笑得好燦爛好開心，您好渴望自己都可以做裡入面既主角。可惜，黎見醫生既時候，您既卵巢庫存量指標（AMH）已經細於0.13，同您既年齡相比，係屬於卵巢早衰既族群，進行試管嬰兒療程，估計可能淨係抽到1~2粒卵子，甚至有機會係完全抽唔到，但係，為左完成做媽媽既夢想，您唔驚辛苦，毅然咁踏上呢段求子既旅程。

依照您既年齡同卵巢庫存量既因素，您選擇用「合卵」既方式，需要做多次既取卵手術，等收集到一定數量既卵子之後，先再一次過解凍卵子，同精子做受精。前兩次既抽卵狀況都好順利，分別抽到五粒同三粒卵子，已經有八粒卵子可以用。但係，當我地仲開心緊收集到比預期多既卵子既時候，AMH<0.13呢個殘酷既事實一直提醒住我地，喺跟住既兩次療程，因為冇卵泡可以抽到出黎（做試管嬰兒最沮喪的八個意外）而需要取消左療程，呢個時候您開始懷疑自己係咪到stop左呢段求子既旅程呢?

經過呢兩次既挫折，您決定先好好休息一段時間，利用呢段時間做宮窺鏡、輸卵管攝影等既檢查，同埋治療一早發現既瘜肉同輸卵管積水，為將來植入既胚胎準備好一個適合著床既環境。經過時間既沉澱同準備，您再次鼓起勇氣黎院所做取卵手術，呢次療程抽到兩粒卵子，計埋之前收集到既卵子，已經有十粒卵子喇！

終於揀左一日，將您呢十粒珍貴既卵子一齊做解凍同受精，但係，結果令人大受打擊：十粒卵子解凍之後只有兩粒存活，嗰一刻每個人個心都跌左入無底深淵，更何況係您呢？係醫生房到，醫生坦白咁同您講解結果，一講完，氣氛好似靜止左一樣，只有您眼眶不斷滲出黎唔捨得同唔甘心既淚水。喺您溫柔既外表下，有住一個堅毅同炙熱既心，即使係唔捨得、唔甘心，但係都冇阻止您想做媽媽既夢想，比起我地更堅強。雖然喺呢段求子既旅程跌左一下，但係又好堅強咁企番起身繼續前進，我諗一直默默咁陪喺您隔離既先生比左您最大既力量，仲記得先生幾乎每次都陪您一齊黎院所，您地面上仲一定會帶住微笑咁望住對方，好似喺到講緊：「唔洗擔心！唔理幾辛苦我都會陪住妳！」

相信好多人最近都有睇由香港電台製作嘅鏗鏘集：痛不「育」生。

影片中嘅夫妻，你又是否似曾相識?

而家社會普遍大部份嘅人都會比較遲結婚，大學畢業後，想等事業穩定，又有一定嘅經濟能力，先至會結婚。結婚後又會享受下二人世界，再拖一至兩年先會考慮生BB。到真係決定要認真"造人"嘅時候，太太年紀已經唔細甚至已經係高齡，工作壓力大、環境污染等各種因素都會令卵巢功能衰退，卵子品質亦無後生嘅時候咁好。

2018年送子鳥生殖中心一連4場的試管嬰兒講座已經完滿結束了!!!

送子鳥生殖中心從今年的3 月、6月、8月和10月，接連在香港舉行4場講座，為左" 令香港嘅每一對夫妻都可以實現家有孩子嘅夢想 "出發。

雖然唔知道我地既講庭座有冇成效，但至少令到更多人接觸IVF、卵子/精子受贈和冷凍卵子的消息。

好多人在進行試管嬰兒療程前，一聽到要做輸卵管造影既時候都會好驚，因為聽人講又淵又痛好唔舒服，點解做IVF仲要做輸卵管檢查架@@可唔可以唔做阿>< 

其實影響女性受孕既能力有四大因素，除左子宮裡面既環境、排卵功能、子宮內膜異位症之外，就係輸卵管既通暢度~喺台灣，平均五個難孕既婦女，就有一個係同輸卵管有關。

輸卵管病變係女性難孕既主因之一，常見既脅變包括有阻塞、沾黏、水腫既問題，發生機率大概佔左女性難孕症20~25%左右，姐係平均四個難孕女性就有一位係同佢有關，問題係做IVF係咪真係有必要要做呢項檢查嗎? 健康既輸卵管必須具備3個條件：暢通、無沾黏、纖毛上皮細胞正常。要確定輸卵管係咪「通暢」可以用通水、通氣、輸卵管造影、腹腔鏡等既方式。

        第一次喺大廳叫妳個名，直到妳回應，先知道妳唔係台灣人，或者係第一次見面既關係，問妳問題個陣妳都好有戒備咁。喺呢個適婚既年齡，即使已經啱啱踏入高齡，但係妳既條件唔算差，遺憾既係妳既身份比較特別：係屬於精子受贈既療程，先生係早幾年確診有無精症，期間都冇機會好好咁同妳傾下點解會走上借精既呢條路，但係都好好彩妳係網路上面見到送子鳥，於是決定將最後既機會交比我地。只可以選擇行試管嬰兒呢條路既妳，係回診期間，從來都唔見先生既身影，而同妳一齊黎既總係好熱情咁轉述妳所有既擔憂，每次都會讓出位子比我去同妳做諮詢，呢種被款待既感覺真係好窩心！係妳友善既笑容之下都隱藏住不安既感覺，所以我都好願意花更多既時間，只係想妳放低戒心。

        療程期間喺都留係台灣，入住喜來登飯店，每一支針都會搭的士番診所打針，唔怕麻煩，只係想一切順順利利。慢慢開始妳開始提出唔明既地方，每次番黎打針之前，妳都會請我幫妳更新治療單，詳細咁問每一個抽血數值既意義，期間妳曾經因為醫生講過子宮裡面疑似有瘜肉或者肌瘤而擔心到流淚，但係喺我鼓勵之下，妳慢慢咁變得正向、樂觀，唔想再去諗仲未發生既事，亦都慢慢肯定我、對我有信心。

        AMH數值係7.8，醫師選擇用長效型既排卵針劑進行強刺激療程，好幸福妳對針劑既反應好好，但係超聲波既結果令妳好不安，甚至好悲觀咁覺得會連一粒好囊胚都會冇，個時既我只係可以一次又一次咁鼓勵妳，直到最後妳終於認同我既樂觀，反而係喺最後一次諮詢既時候拍拍我背脊講：係喇！似你話齋，我地要相信係會成功既！

        或者喺求子路上，比妳更辛苦既人大有人在，但係今次真係辛苦妳喇，同其他人一樣妳都好怕打針，記得喺某一日夜晚，妳提早左半個鐘到等打破卵針，妳同以前一樣同我討論今次結果會點。終於等到九點，喺細細間既更衣室裡面，就連呼吸聲都變得好明顯，準備打針之前，妳拎手機出黎話要記低呢個moment，話今次係最後一次，我地都一齊講：一定會成功既！

香港人類生殖科技管理局最近發出2016年人工受孕 (IUI) 及試管嬰兒 (IVF)的統計。

• 2016年香港人工受孕 （IUI）的持續妊娠率平均（不計年齡）僅為11.5%，36歲後隨即急降，41至45歲僅為6.6%，46歲至50歲為零。

• 2016年香港體外受精（IVF，俗稱試管嬰兒）的持續妊娠率平均（不計年齡）僅為14.3%，36歲後隨即急降，41至45歲僅為5.7%

送子鳥生殖中心喺今年3月同6月，喺香港舉辦左兩場講座，好多謝大家既奉捧場同對我地既支持。

黎緊8月19號，送子鳥會繼續飛到香港，一樣係旺角康得思酒店同大家見面，當然今次亦會有我地既院長同大家面談~

2018 八月送子鳥主辦個人化精準試管嬰兒講座 (再度加場)
 

懷孕對好多人黎講，可以算係一件輕而舉嘅事，但係對於薇琪黎講，雖然都可以話係容易，但係要點樣「安全達陣」，就似乎係一件難過登天嘅挑戰同挫折。

薇琪已經結左婚5年，喺新婚第3個月個陣就有好消息。佢同屋企人都滿心期待咁準備迎接新生命嘅到來。起初喺開始懷孕嘅時候，薇琪發現有少少出血嘅狀況，不過聽好多人講，早期懷孕都係正常嘅狀況，所以都冇特別為意。點知係某一日嘅深夜，突然發生陰道大量出血，屋企人即刻送佢去醫院急症室，醫生發現胚胎已經跌係陰道口，當時只可以帶住失望嘅心情番屋企慢慢調理身體。

經過左一年之後，呢件事差唔多已經淡忘，薇琪重新收拾心情想準備生小朋友，或者因為年輕，可以話「想有就有」，所以好快又有好消息。呢次佢同先生都特別小心，為左BB，仲特登辭左份工，專心喺屋企養胎。呢次原本以為冇問題，諗住至少咁小心就唔會有出血嘅狀況發生。但係或者係個天冇比運氣佢，喺懷孕嘅第2個月嘅時候，又再次發生出血嘅狀況，醫生發現BB已經冇左跳。再過一年之後，仍然發生同樣嘅悲劇收場，而且仲係三年之內上演一樣嘅情節。

呢幾次晴天霹靂嘅結果，一次又一次咁打擊薇琪嘅自信心。「王醫師，點解我一次又一次都咁唔順利嘅?」做完檢查先發現，原來係薇琪身體嘅免疫系統出現左問題，容易對抗胚胎而導致流產。經過左一段好長嘅時間，利用免疫劑同類固醇去治療，雖然過程都有產生嚴重嘅副作用，但係最後都帶左一個好可愛嘅女BB番屋企。

Ⓠ:1.什麼是人工受孕？

Ⓐ:醫師根據排卵時間，將處理過後活動力較佳的精蟲檢體直接植入子宮腔。

Ⓠ2.什麼是試管嬰兒？

Ⓐ:透過實驗室技術將取出的卵與精子在體外受精、培養，最後再將胚胎植入子宮內使之繼續發育，以協助懷孕的過程。

相信好多港澳朋友對新竹呢個地方都非常陌生, 今次就等我地為您推薦新竹當地嘅美食啦~~ Let's go~~

1. 段純貞牛肉麵-清大店

地址: 新竹市建功一路135號

前往方式: 從送子鳥診所步行約5分鐘

送子鳥診所位於台灣既新竹，相信大家可能對新竹呢個地名都較陌生，但唔緊要，等我先為大家惡補一下台灣地理先！

台灣其實好大，大約等於13個香港，而新竹位於台灣既北部，屬於臺北同桃園下面

若果黎台灣既話落機地點絕大部分都會選擇桃園機場，而當落咗機後用以下兩種方法可以黎到我地送子鳥診所：

相信大家都對卵子受贈(借卵)有相當多的疑問。無論係事前既準備或者係療程既處理等等，心中都出現無數個問號。所以呢次既發文主要同大家分享一下來台灣之前相關既準備同埋之後要面對既狀況。

根據台灣既法例，進行試管嬰兒或借卵借精都必須有合法夫妻關係，所以最重要就係去辦理結婚證書驗證。咁如果係香港登記既話，就可以帶結婚證明到金鐘既台北經濟文化辦事處辦理(註1)。咁如果係香港既律師樓監禮既話，就要先去政府既婚姻登記處登記，之後再到台北經濟文化辦事處辦理就可以啦。(前往查看辦理結婚證書驗證程序）

跟住，等到時間安排好就可以飛黎台灣初診。第一次黎台灣需要喺月經既7-11日之間，建議停留1-2日。因為當日下午要辦理公證(台灣政府認可)，所以要夫妻兩個人一齊黎，同時兩人既身份證、護照同經台北經濟文化辦事處驗證既婚姻證明正本都需要帶過黎。如果夫妻兩個人都已經有愛滋、梅毒、血型既報告，當日都可以一齊帶黎台灣。最後醫生就會開植入週期既藥物比你地帶番香港，唔洗特登再飛黎台灣拎藥。只要係屋企等配對通知，就可以更接近做媽媽呢個夢啦。
太太: 當日進行輸卵管攝影、子宮內窺鏡、3合1檢查、抽血-免疫功能指標、TSH、PRL等相關檢查。