送子鳥生殖中心&愛生育銀行(港澳專區)-試管嬰兒IVF/雪卵/借卵/借精/免費諮詢

當老天爺宣佈我的機會渺茫的時候

   該退怯還是與命運對抗？

我選擇勇敢面對，最終幸福還是會到來

2015年既夏天, 收到一封來自香港既email， 雖然一樣係位處亞洲， 但透過email既往來, 同客戶感情愈嚟愈深， 如果問我感覺係咪好似筆友一樣， 我一定會答係!

唔同既年紀想生BB，就好似搭緊四種唔同既交通工具，速度、起點、終點同車程都唔一樣，第一種最快既係年齡小於35歲，其次係35-37歲，緊隨其後係38-40歲，最慢既尾班車係大於40歲。最理想最快既當然係年齡小於35歲，喺35歲前生完BB完成計劃，但係妳email比我既時候，已經係趕住要搭尾班車。妳email度話比我知，妳已經係香港試過試管嬰兒，抽到既卵子數目唔多，就算超聲波睇到有4粒卵，最後都淨係抽到1粒，但因為外表同品質都唔好， 醫生認為妳既卵子唔止數目少，仲質量差，連香港既醫生都勸妳唔好再繼續試落去。妳見到妳媽咪既年紀愈嚟愈大，都好擔心可唔可以完成媽咪抱孫既心願。

妳好努力咁搵有咩方法可以令自己都成為媽媽，睇到唔同既文章出現<借卵>呢個詞語，令妳仲有一絲希望見到曙光，妳同先生討論左成晚，終於決定要同先生一齊嚟台灣送子鳥診所一次。

信入面既妳提到，國語溝通能力唔係咁好，希望可以喺最短既時間入面完成哂相關文件既辦理，同妳確認完配對既資料之後，好快就會嚟台灣做基本檢查，E-mail入面，感受到你地既信心同決心，因為時間壓力之下，我地好順利咁利用e-mail方式安排嚟台灣既療程計劃，檢查同文件辦理亦都喺預期時間之內搞掂，堅持既力量同動力，嚟自於想成家立室既渴望。

冇幾耐之後，捐卵者就進入療程，通知你捐卵者抽卵狀況既時候，妳第一句就話:「唔知捐卵者抽卵之後，身體狀況有冇恢復得好順利呢?」妳好擔心佢，希望我可以幫妳關心多d捐卵者，始終佢有帶比你地希望，睇到呢句話個陣，真係深深咁感動到我，睇落好平凡既捐受贈事情，其實係對彼此既關心同祝福，我諗最珍貴既禮物莫過於真心既祝福。

呢一次療程非常順利，捐卵者抽到16粒卵，雪咗9個胚胎，同你講番胚胎培養既結果後，妳亦都為自己訂立一個目標:要帶一個BB番屋企。2015年10月，妳終於嚟到台灣進行解凍胚貽既植入療程，呢次揀左一個4AB既胚胎，植入過程都非常順利，喺妳預計番香港前一日黎打針既時候，我地互相鼓勵，期待兩個禮拜後既好結果。放榜日子好快就到，嗰一日我既心情同妳一樣，期待又緊張，收到妳既e-mail，係個令人振奮既好消息，約定三個禮拜後一齊見證BB心跳，「噗通、噗通」強而有力既節奏係我地最感動既時刻，睇到妳傳比我既BB照片，我同妳一樣咁感動。

2016年既夏天，BB順利出世，傳來好消息既妳，產後既恢復狀況亦都非常唔錯。直到而家，我地仍然保持聯絡，妳會關心喺台灣既我地，我地既關係更加進化為友誼。彼此問候係我地建立關係既基石。2018年係一個值得期待既新年，因為我地將會再見面。

By Ruby

即刻起，開始預約您的幸福吧！

留下您的姓名、電話、e-mail與想要諮詢的時間，就會有專人跟您聯繫喔！

 預約網站 ：https://www.icryobank.com/hongkong/

 搜尋LINE ID：@icryobank_taipei

 WhatsApp：+886-905-737-501

 E-mail：hk_service@icryobank.com