黃體素係一種內生性類固醇類嘅賀爾蒙,喺人體主要係作用於女性既子宮內膜上,可以促進子宮內膜腺體既增長,增厚內膜、打開著床窗口,比胚胎準備好去著床。喺胚胎著床之後可以持續維持子宮內膜既穩定性,令胚胎可以繼續生長。黃體素主要產生既位置係喺卵巢,喺月經中期卵泡排走卵子之後會形成黃體,而黃體就會分泌黃體素;另外就係喺懷孕第三個月開始,胎盤亦都會大量分泌黃體素。
喺胚胎植入週期,進行荷爾蒙替代療程(HRT)時,因為排卵功能被抑制,所以冇黃體形成,所以必須額外去補充黃體素。宜家補充黃體素嘅途徑主要有3種:
- 肌肉注射:俗稱嘅黃體油針,有較高既生物可利用率,但係缺點係打針會痛,同埋打完之後注射嘅地方有時會有腫塊、搔癢、疼痛,甚至化膿既狀況。
- 口服:最方便嘅使用方式,但經過腸胃道吸收消化,同埋肝臟嘅代謝之後,令口服嘅方式有比較差嘅生物可利用率,而且容易頭暈、倦怠、嘔心、便秘既全身性副作用。
- 陰道塞劑:經由局部循環直接作用喺子宮內膜上,所以有較高嘅組織濃度,同埋較少既全身性副作用,但係缺點就是過去常用嘅膠囊或者凝膠嘅劑型容易會有分泌物同結塊殘渣嘅問題。
由上述既說明可以睇到,各種唔同黃體素補充方式都有各自嘅優缺點,有冇邊種補充方式係可以有最小副作用但係又保持有一定嘅療效呢?
安度孕(Endometrin)係舊年喺台灣上市既陰道黃體素補充劑,藥品宣稱可以喺24小時達到穩定濃度,藥錠型既設計可以遇水就自然融化崩解,減少分泌物同結塊既產生。由於產品宣稱既優點可以彌補而家藥物既缺點,幾乎係現行黃體素補充既最佳解決方案,但係最重要既臨床療效係咪同產品宣稱既一樣,就有待商榷,所以我地進行左冷凍囊胚植入週期使用安度孕作為黃體補充去做臨床結果評估研究。
送子鳥喺2018 台灣生殖醫學會(TSRM) 發表屬於回溯性既病歷分析研究,排除因為內膜過薄或者係荷爾蒙(P4)濃度唔適合植入嘅案例之後,一共分成三個組別:
- ) Endo組: 每日用陰道補充安度孕200毫克同口服優潔通(Utrogeston) 200毫克
- ) Crin組: 每日用陰道補充快孕隆凝膠(Crinone) 90毫克同口服優潔通400毫克;
- ) UG組: 每日用優潔通600毫克或者800毫克
呢三個組別研究對象既平均年齡、植入前內膜厚度同植入顆數喺統計上都冇顯著差異。
臨床結果統計如上圖所示,Endo組看似有較佳的懷孕結果,但在統計上三組並無顯著差異。
另外,三組喺流產率分佈喺 11.8%到18.8%之間,而喺統計上亦都冇顯著差異。
用黃體素所帶黎既副作用一直都困擾住好多求子嘅朋友,為左達到最佳既懷孕效果,往往都要承受藥物所造成嘅唔舒服感覺。呢篇研究合併左新型藥物安度孕作為黃體素補充,喺臨床懷孕結果上同傳統藥物都冇顯著差異,但係就可以降低副作用所造成唔好既體驗,亦都係黃體素補充既新選擇。
|免費諮詢|
► 諮詢師免費線上諮詢 :https://www.icryobank.com/hongkong
► 線上諮詢-Facebook粉絲專頁:愛生育銀行
► 線上諮詢-WhatsApp:+886-905-737-501
► E-mail:hk_service@icryobank.com
|送子鳥生殖中心|
► Facebook:https://www.facebook.com/estork.tw
► Instagram:https://www.instagram.com/stork.icryo
► 官方網站:https://www.e-stork.com.tw
留言列表