故事改編自日本作家疋田邦雄(ヒキタクニオ)用自身經驗寫成嘅同名小說,講述原本只想過二人世界生活嘅疋田夫婦因太太阿幸一句「想見見疋田嘅小孩」而萌生要生小朋友嘅想法,但係阿幸過左一段時間都未能成功懷孕。之後夫妻二人進行身體檢查,證實不育嘅原因係喺先生身上,自此夫妻就開始左又悲又喜嘅「求子」生活。
男性不育喺日本係一個比較少見嘅題材,飾演疋田先生嘅松重表示「自己無諗過會演出有關懷孕嘅作品,睇完原著先知道口講想要小朋友係好容易,但實行起來並唔係口上講得咁簡單。」飾演太太阿幸嘅北川都話「雖然我係因為要演出電影先開始去詳細了解不育治療,但如果無夫妻同心,合力度過難關,不育治療係好難成功。」
電影喺2018年4月開拍,為期一個月。松重指喺開拍前思考過應該點樣處理夫妻之間嘅年齡差距,好彩有北川嘅配合,好自然咁醞釀到二人之間嘅夫婦感。北川亦都表示以往都有同松重合作嘅機會,兩人之間嘅信賴關係深厚,開拍之後好快就可以入戲,同松重表演得出夫婦嘅感覺。
即刻起,開始預約您的幸福吧!
留下您的姓名、電話、e-mail與想要諮詢的時間,就會有專人跟您聯繫喔!
辦事處現場免費諮詢 :https://www.icryobank.com/hongkong/
線上諮詢-Facebook粉絲專頁:愛生育銀行
線上諮詢-WhatsApp:+886-905-737-501
E-mail:hk_service@icryobank.com
留言列表