疫情期間我可以做啲咩？ @ 送子鳥生殖中心&愛生育銀行(港澳專區)-試管嬰兒IVF/雪卵/借卵/借精/免費諮詢

最近因為疫情嘅關係搞到大家唔可以嚟台灣進行試管嬰兒嘅療程，咁呢段時間入面，大家到底可以做啲咩呢? --->就係養卵喇！
今日等小編教下大家可以點樣養卵啦！其實卵巢嘅功能喺會隨住年齡增加而老化，良好嘅生活習慣，或者可以減慢下降嘅程度，跟住落黎小編會以食、住、行、樂四方面同大家分享一下心得！

首先係食嘅方面，建議大家唔好簡飲擇食，一定要均衡飲食，均衡飲食嘅定義係：每日由飲食中獲得足夠量身體所需嘅每種營養素，而且進食與消耗嘅熱量達到平衡，因為每一類嘅食物入面都提供唔同嘅營養素，所以「六大類」嘅食物都要食到建議量先可以達到均衡架！而「六大類」嘅食物包括全穀雜糧類、豆魚蛋肉類、蔬菜類、水果類、乳品類同埋油脂及堅果種子類！以下喺台灣國健署每日飲食指南入面「六大類」食物嘅建議量攝取量同埋每日熱量需求嘅建議量：

＊圖片來源：衛生福利部國民健康署-每日飲食指南手冊

日常生活中，我地最常缺乏嘅就係蔬菜同水果,所以記得記得要多食蔬菜同水果呀！仲有就係,如果可以優先選擇優質嘅蛋白質類,例如:肉類、牛奶、雞蛋等等,盡量避免食加工食品,咁就最好喇!

而係住既方面, 建議要有充足嘅睡眠，每日最少要訓8個鍾，記得千奇唔好太夜訓同埋捱夜呀，因為會影響到卵子嘅品質，建議最好係夜晚11點前就要訓喇，養成一個早睡早起既良好習慣。

至於喺行既方面，雖然休息嘅時間好重要,但除此之外，都唔好唔記得要做運動啊！養成規律嘅運動習慣都係好重要架！台灣嘅衛福部就建議大家要＂快樂運動531＂，即係每星期運動5次，每次運動30分鐘,心跳速率維持110下以上！檢測心跳最佳嘅方法就係評估運動時喘嘅程度，當運動嘅時候做到有D喘，但係可以仲講到野，就係適當運動嘅程度喇！

最後就係樂既方面喇，其實日常大多數嘅壓力都係黎自自己本身嘅諗法，所以試下換個角度思考問題，改變下自己嘅諗法，係心情低樂嘅時候，可以聽下歌,睇下書，多D做自己想做嘅事，或者搵好朋友傾下計放鬆下心情，諗法正面樂觀D，唔好俾咁大壓力自己，自然心情都會好好多啦！

以上喺小編嘅小小心得，如果大家有其他更好嘅方法，或者想了解更多關於試管嬰兒／凍卵嘅資訊，歡迎大家係下面留言呀！！！