190130_TOPPIC.jpg

大學二年級,我被診斷出卵巢有一粒13cm既朱古力瘤;大學四年級,又被診斷到子宮生左好多粒息肉。兩次既發現都係醫生建議下即刻開刀處理,天真到以為只要改善飲食同生活習慣,定期覆診追蹤,就可以高枕無憂,咩都唔洗煩,點知最後迎接而來既仍然都係一個又一個既婦科病。

24歲呢個年齡,人生先岩岩起步,本來應該係努力打拼、多姿多采既生活,從來冇諗過自己會有可能面臨不孕既問題;但係某次既既覆診,醫生好凝重咁同我講:「你既輸卵管有好嚴重既水腫問題,你可以做既,一係截斷、一係切除,妳再番去諗下啦!」,超聲波畫面定格係已經扭曲變形既輸卵管上面,我就好似聽到老天爺既奸笑咁,心諗住電視廣告既台詞:我咁後生,點解會發生係我身度?係唔係已經再冇自然懷孕既可能啦?如果想要有小朋友,就剩係得番試管嬰兒呢條路?好多好多既疑問同焦慮係我腦海入面迴盪,眼淚已經忍唔住一滴一滴咁流落黎。但經過左一段時間冷靜同思考後,面對埋係內心既不安,我必須要為我既將來做啲事,除左不斷覆診之外,另外一條路就係凍卵了。

有左凍卵既念頭後,我開始積極搜尋各大醫院同生殖中心既資訊,望住網上有好多既媽媽分享自己既求子血淚史,雖然話就話已經接受左自己既身體狀況,但心裡面仍然覺得上天實在太唔公平,點解咁後生既我就要同佢地一樣面臨不孕既問題?綜合網上大大小小既評價,最後選擇左新竹既送子鳥,亦預約左第一次初診。

仲記得第一次行入診間,心情其實有啲緊張亦有啲無奈,剩係希望一切都可以順利進行,也都花左啲時間同W醫師說明自己既狀況,佢除左對我既提問有問必答外,亦考慮到對年紀仲後生既我來講,凍卵會係一筆好大既經濟負擔,幫我設計左一套最適合我既療程,睇診既過程就好似朋友傾計咁輕鬆自在,亦都大大減少我既焦慮不安。最後由諮詢師Donna簡介成個凍卵療程,俾到我好大既鼓勵,經過呢次睇診後,我更加相信凍卵絕對係我呢刻最優先要做既事。

經期既第三日,再次番到送子鳥,照左超聲波後,係診間我同W醫師講,我對自己既身體狀況仍然係冇咩自信,但最令我印象深刻既一句話,係W醫師話:「唔洗擔心!我地邊行邊睇啦。」或者其他人聽起來覺得冇咩咁特別,但果刻我既內心係非常激動,對我來講絕對係一支強心針,好感謝W醫師既支持鼓勵,令我相信無論有幾困難,佢都會陪我走完成個療程。睇完診之後,就有護士幫我打左第一支長效型排卵針Elonva,亦攞左口服排卵藥Clomiphene,Donna好仔細咁講解所有既注意事項。果下心情係有啲複雜既,始終真係要進入療程啦,但同時亦都好開心自己向住目標行左一大步。特別值得一提既係送子鳥APP,因為今日一走出診間之後,APP就馬上出現左接落來療程既進度內容,真係好驚訝原來係醫療領域上都可以咁高科技同方便。

經期既第九日,再到送子鳥照超聲波,抽血,W醫師認為狀況都唔錯,應該至少可以抽到十粒卵,但卵泡仲有好大既成長空間,於是又開左四支排卵針Pergoveris俾我,就算心裡面對於要自行打針仍然都係非常害怕抗拒,但為左自己既將來,一樣硬住頭皮將支針刺入肚皮,打完針先發現原來我都可以咁勇敢。

經期既第十二日,照舊番到送子鳥照超聲波,W醫師覺得卵泡狀況好唔錯,有信心可以為我抽到更加多既卵,馬上開左兩支破卵針Decapeptyl,預計兩日後進行抽卵手術。破卵針係成個療程中很重要既一針,除左需要左右手臂各施打一針,更加要留意打針的時間。一諗到之前好多網上既人都講到凍卵療程入面最痛既就係破卵針,等到自己也面臨到同樣既情境時,拎起支針猶豫左好久,遲遲都唔敢打落去,望住時鐘一分一秒咁過,眼睛一黑鼓起勇氣用力打落去,原來冇想像中咁痛,真係緊張死人啦,哈哈。

經期既第十四日,亦即係抽卵當日,一大早就到送子鳥報到,就被帶到手術室後。首先照超聲波,超聲波師叫我望一望個螢幕講:「睇唔睇到啊?很多粒啊!」,果下內心非常欣慰,打左既針花左既錢,終於冇白費啦!手術結束後,肚仔明顯感覺痛痛地脹脹地,但聽到W醫師話取卵成績唔錯,總共取左28粒卵,實在比自己一開始預期既多好多,本來仲一直擔心需唔需要抽多次卵!但同時亦得到一個壞消息,就係我既朱古力瘤又復發啦,不過經過凍卵呢次經歷後,我諗我應該更有力量去面對呢啲婦科病,因為我係送子鳥已經保存左一個希望,呢個絕對係我24歲既我送比自己最大既禮物。

番到屋企食住送子鳥精心準備既術後餐點,心裡面一路係度諗究竟今次能夠保存幾多粒卵子呢,就接到送子鳥既電話,28粒裡面有20粒卵子係成熟既卵子,同時亦已經被冷凍保存了。望住從診所帶番來既止痛藥同抗生素,亦宣告進入療程既尾聲了,食完呢啲藥,呢份專屬自己既大禮都終於畫上完美句號啦。第二日打開送子鳥APP,最令我驚喜既,除左裡面詳細記載住抽卵粒數同冷凍粒數外,仲有卵子既相!呢個對我來講真係一個好貼心既功能,因為如果都睇唔到卵子既真實樣貌,就好似根本冇打過針、抽過卵一樣,個心冇咁踏實。

將來當我結婚,想要有小朋友果陣,諗番起之前既自己因為不同既婦科病走過既跌跌撞撞,但有左希望就唔洗怕絕望,希望我既故事可以對每一個正在或者曾經面對同我一樣問題既女仔有幫助,千奇唔好因為以為自己仲後生,就忽略自己既身體狀況,可能你都會同我一開始一樣猶豫下一步應該點行,但其實相信自己就得啦,勇敢為自己做啲野,唔好留低任何遺憾,我地一齊加油!

By客戶分享

 

即刻起,開始預約您的幸福吧!

留下您的姓名、電話、e-mail與想要諮詢的時間,就會有專人跟您聯繫喔!

 辦事處現場免費諮詢 :https://www.icryobank.com/hongkong/

 線上諮詢-Facebook粉絲專頁:愛生育銀行

 線上諮詢-WhatsApp:+886-905-737-501

 E-mail:hk_service@icryobank.com

arrow
arrow
    全站熱搜

    愛生育(港澳專區) 發表在 痞客邦 留言(0) 人氣()