送子鳥生殖中心&愛生育銀行(港澳專區)-試管嬰兒IVF/雪卵/借卵/借精/免費諮詢

鍾意小朋友既你成日喺fb到分享朋友同小朋友既post，相裡面小朋友同爸爸媽媽都笑得好燦爛好開心，您好渴望自己都可以做裡入面既主角。可惜，黎見醫生既時候，您既卵巢庫存量指標（AMH）已經細於0.13，同您既年齡相比，係屬於卵巢早衰既族群，進行試管嬰兒療程，估計可能淨係抽到1~2粒卵子，甚至有機會係完全抽唔到，但係，為左完成做媽媽既夢想，您唔驚辛苦，毅然咁踏上呢段求子既旅程。

依照您既年齡同卵巢庫存量既因素，您選擇用「合卵」既方式，需要做多次既取卵手術，等收集到一定數量既卵子之後，先再一次過解凍卵子，同精子做受精。前兩次既抽卵狀況都好順利，分別抽到五粒同三粒卵子，已經有八粒卵子可以用。但係，當我地仲開心緊收集到比預期多既卵子既時候，AMH<0.13呢個殘酷既事實一直提醒住我地，喺跟住既兩次療程，因為冇卵泡可以抽到出黎（做試管嬰兒最沮喪的八個意外）而需要取消左療程，呢個時候您開始懷疑自己係咪到stop左呢段求子既旅程呢?

經過呢兩次既挫折，您決定先好好休息一段時間，利用呢段時間做宮窺鏡、輸卵管攝影等既檢查，同埋治療一早發現既瘜肉同輸卵管積水，為將來植入既胚胎準備好一個適合著床既環境。經過時間既沉澱同準備，您再次鼓起勇氣黎院所做取卵手術，呢次療程抽到兩粒卵子，計埋之前收集到既卵子，已經有十粒卵子喇！

終於揀左一日，將您呢十粒珍貴既卵子一齊做解凍同受精，但係，結果令人大受打擊：十粒卵子解凍之後只有兩粒存活，嗰一刻每個人個心都跌左入無底深淵，更何況係您呢？係醫生房到，醫生坦白咁同您講解結果，一講完，氣氛好似靜止左一樣，只有您眼眶不斷滲出黎唔捨得同唔甘心既淚水。喺您溫柔既外表下，有住一個堅毅同炙熱既心，即使係唔捨得、唔甘心，但係都冇阻止您想做媽媽既夢想，比起我地更堅強。雖然喺呢段求子既旅程跌左一下，但係又好堅強咁企番起身繼續前進，我諗一直默默咁陪喺您隔離既先生比左您最大既力量，仲記得先生幾乎每次都陪您一齊黎院所，您地面上仲一定會帶住微笑咁望住對方，好似喺到講緊：「唔洗擔心！唔理幾辛苦我都會陪住妳！」

雖然而家一律都係使用玻璃化冷凍技術對胚胎同卵子進行冷凍，大幅提高左解凍之後既存活率，但係對於卵子品質唔好既客戶，冷凍同解凍卵子既過程入面，卵子就比較唔易存活。只有兩粒卵子，胚胎師就加小心呵護，最後都有成功受精，亦培養到第三日既胚胎之後做新鮮週期植入，當仲開心緊有兩粒胚胎做植入既時候，到左驗孕當日，結果都係令您好失望。

一次又一次既打擊，但係都擊退唔到您想做媽媽既決心，一路上同先生手拖手堅毅咁繼續向前行，因為您相信，雖然解凍卵子做受精同植入既結果唔似預期咁順利，但係只要繼續嘗試就會有機會。同醫生討論完之後，您由冷凍卵子既策略轉為冷凍胚胎，喺呢次療程中抽到兩粒卵子，而且受精之後都有成功咁培養到第五日既BB等級好囊胚，之後您先將呢兩粒「希望種子」冷凍保存，等身體同心理準備好個一日，再進行解凍胚胎植入。

          到左呢一日，我地將呢兩粒希望種子放入您身體孕育，經過難捱既兩個禮拜，終於，您們睇到呢場馬拉松既終點線喇！兩條紅線好似您堅毅既決心一樣！之後追蹤有一粒胚胎有順利著床，而且努力喺媽媽體到成長緊，聽住強而有力既心跳聲「噗咚！噗咚！」喺您耳邊發出，成為左父母永遠最優美既旋律…舊年八月底您地終於企喺求子旅程既終點站，將呢份幸福抱緊，同佢講一聲：「生日快樂！」

呢段旅程就好似風入面既燭火，希望既火種總係喺旺盛燃燒既時候，因為一陣風而令火種變細，當以為即將要熄滅既時候，但係又再次喺風中不斷咁燃燒自己，想要照亮前面既路，等待一雙手幫您地擋住強風，令您又可以喺風中繼續燃燒。但係，呢條唔係一條直直既路，而係峰迴路轉，九曲十八彎，總要靠近睇一睇先知原來仲有個大彎喺前面，但係，轉彎既路並唔係路既終點，除非係你唔肯轉彎」。求子呢條路，對每對夫妻都係相當辛苦既，不斷咁挑戰您地既毅力同體力，過程中會有挫敗，會覺得好氣餒同困惑，都需要不斷咁調整心態同醫生一齊努力搵到適合自己既療程，有時諗法同策略既調整轉個彎，發現原來幸福就喺眼前！最近係FB成日見到您地一家三口幸福既微笑，而您地既微笑正正就係送子鳥持續進步既動力。