懷孕對好多人黎講,可以算係一件輕而舉嘅事,但係對於薇琪黎講,雖然都可以話係容易,但係要點樣「安全達陣」,就似乎係一件難過登天嘅挑戰同挫折。

薇琪已經結左婚5年,喺新婚第3個月個陣就有好消息。佢同屋企人都滿心期待咁準備迎接新生命嘅到來。起初喺開始懷孕嘅時候,薇琪發現有少少出血嘅狀況,不過聽好多人講,早期懷孕都係正常嘅狀況,所以都冇特別為意。點知係某一日嘅深夜,突然發生陰道大量出血,屋企人即刻送佢去醫院急症室,醫生發現胚胎已經跌係陰道口,當時只可以帶住失望嘅心情番屋企慢慢調理身體。

經過左一年之後,呢件事差唔多已經淡忘,薇琪重新收拾心情想準備生小朋友,或者因為年輕,可以話「想有就有」,所以好快又有好消息。呢次佢同先生都特別小心,為左BB,仲特登辭左份工,專心喺屋企養胎。呢次原本以為冇問題,諗住至少咁小心就唔會有出血嘅狀況發生。但係或者係個天冇比運氣佢,喺懷孕嘅第2個月嘅時候,又再次發生出血嘅狀況,醫生發現BB已經冇左跳。再過一年之後,仍然發生同樣嘅悲劇收場,而且仲係三年之內上演一樣嘅情節。

呢幾次晴天霹靂嘅結果,一次又一次咁打擊薇琪嘅自信心。「王醫師,點解我一次又一次都咁唔順利嘅?」做完檢查先發現,原來係薇琪身體嘅免疫系統出現左問題,容易對抗胚胎而導致流產。經過左一段好長嘅時間,利用免疫劑同類固醇去治療,雖然過程都有產生嚴重嘅副作用,但係最後都帶左一個好可愛嘅女BB番屋企。

懷孕嘅過程係上帝精心設計嘅過程,胚胎之所以唔被免疫系統排斥,主要係因為胎兒喺母體間嘅胎盤所形成嘅屏障,係可以比免疫系統辨認唔到BB係外來物質,再經過荷爾蒙作用之下,先可以令到BB同媽媽「和平共處」。而當中牽涉嘅機制非常複雜,只要其中一個項目出錯,喺懷孕期間就會破壞媽媽保護BB嘅機制,令免疫系統產生對胚胎嘅抗體,而發生不利懷孕嘅變化。通常呢啲免疫反應喺懷孕前都可能係正常嘅,但一旦懷孕之後,防禦機制就開始出現問題,令到胚胎唔可以繼續著床而導致流產嘅悲劇發生。

一般黎講,有好多自體免疫嘅疾病同免疫性流產有好大關係,例如抗磷酸脂質抗體症候群(antiphospholipid antibody syndrome)、紅斑性狼瘡、血栓性血小板低下紫斑症(thrombotic thrombocytopenic purpura, TTP)…等等。由於自體免疫出現左問題,好容易會造成血栓、堵塞胎盤血管,而提供唔到比BB養份,可能會造成胎盤本身發炎,身體產生抗體排斥胚胎,而造成流產。

近幾年嘅研究發現,母體裡面有一種免疫細胞,叫做「自然殺手細胞」(natural killer cell,NK cell),喺正常狀態之下,呢種免疫細胞扮演保護人體嘅第一道防線,由骨髓製造到血液裡面;經由胸腺誘導,可以攻擊外來嘅細菌同病毒,或殺死腫瘤細胞等等。自然殺手細胞除左喺週邊血液裡面之外,喺子宮裡面亦都會有呢種免疫細胞。但係子宮裡面嘅自然殺手細胞同周邊血液嘅自然殺手細胞唔同,除左有避免感染嘅作用之外,對於胚胎著床亦都有好大幫助。

但係,如果子宮裡面出現太多或者係功能太勁嘅自然殺手細胞嘅話,就有可能會造成不孕或者流產。所以,除左要檢查免疫相關項目,例如補體C3、C4,抗核心抗體(antinuclear antibody, ANA)、抗磷酸脂質抗體(antiphospholipid antibody, APA)、抗牛心脂素抗體(anticardiolipin antibody, ACA)之外,子宮裡面嘅自然殺手細胞濃度,都會列入免疫性流產嘅檢查項目之一。

一旦檢查到體內自體抗體濃度過高嘅時候,就一定要喺準備懷孕之前,先用藥物治療,等穩定左之後先順利懷孕。藥物包括阿斯匹林、類固醇、免疫抑制劑或者肝素;亦都會有病人要用注射免疫球蛋白、淋巴球免疫療法等等去治療。不過係咩原因以致於自體免疫細胞分唔清邊個係自己人、邊個係敵人嘅問題,喺醫學界黎講都仲係一個謎,所以免疫嘅問題同治療嘅方法,都係需要經過醫師去評估之後,先可以應用係病人身上,去增加受孕同懷孕嘅機會。

當薇琪滿月帶住BB複診檢查個時,見全佢地兩公婆幸福滿足個樣,我真係好佩服佢地經歷完屢戰屢敗,仍然唔肯放棄嘅精神,我心信仲有好多夫妻好似佢地一樣,仍然係求子嘅路上繼續奮鬥緊;唯有堅強咁戰勝免疫,先可以甜蜜咁擁有好「孕」氣!

 

 

 

即刻起,開始預約您的幸福吧!

留下您的姓名、電話、e-mail與想要諮詢的時間,就會有專人跟您聯繫喔!

 預約網站 :https://www.icryobank.com/hongkong/

 搜尋LINE ID:@icryobank_taipei

 WhatsApp:+886-905-737-501

 E-mail:hk_service@icryobank.com

arrow
arrow
    全站熱搜

    愛生育(港澳專區) 發表在 痞客邦 留言(0) 人氣()