「紅玫瑰」既花語代表熱情真愛、堅貞不渝的愛情

哩次輪到佢同先生許下承諾:「未來無論生離死別,我都會捉住你同你BB既手,一齊幸福咁甜蜜到老。

 

「17年前,佢拖住我隻手同我講 : 執子之手,與子偕老。好多謝佢17年嚟都咁錫我,咁愛我,不過幸福既兩人世界就好似缺少左小朋友既嘻笑聲......」,第一次見面個陣,佢好甜蜜咁同我講同老公既愛情故事,同時都好感嘆自己十幾年嚟都冇辦法幫先生生小朋友。

佢幸福既笑容令我印象深刻,歲月雖然冇喺身上留下痕跡,不過生BB呢場殘酷既拔河比賽,都令我為43歲既佢好擔心; 睇完醫生之後,佢唔單只好認真咁聽諮詢師既教育,仲提出左好多存在喺心入面既疑問,當時知道自己既生育時間已經響起警報,同以前唔同,佢唔再採用被動既模式,反而選擇即刻進入試管嬰兒既療程,好在平時注重保養,卵巢功能仲維持喺年輕既狀態,第一次抽卵就有8粒,成功受精既有4粒,好可惜得1粒成為胚胎。咁既成績令充滿希望既兩公婆個心都涼左一截,佢地好懷疑咁問:「係咪冇希望喇?」我拍拍佢膊頭鼓勵佢:「年紀大,生小朋友呢條路一定係好辛苦,你要加油! 要堅持落去,我地一定會陪住你地!」佢深深吸左一口氣,舒緩情緒,跟住就點點頭,用一種堅定既眼神同我講:「我會架喇!因為我真係好期待小朋友既到嚟!」之後呢股想圓滿幸福家庭既積極力量,令佢每個月都準時嚟診所報到,開始左為期半年多既「便利店儲點數」收集胚胎計劃,喺同時間競賽之下,爭取有限既卵子

出雙入對既兩公婆,總係一齊出現喺診所,每次療程既打針同抽血,佢都係笑笑咁面對,直到有一日接待佢個陣,我好好奇咁問,而佢就好靦腆咁答:「先生既貼心陪我,係對我最大既支持」。個一刻,我眼眶當場紅哂,心諗係點樣既愛情,令佢願意喺經歷17年既顛簸求子路上,都仍然咁堅強,仍然咁堅持。

經歷左連續六個月既收集胚胎療程,佢總算收集到38粒卵子,當中有6粒既好囊胚。不過由於43歲高齡既胚胎異常率算高,喺醫生專業建議之下,將胚胎採集樣本再進行著床前染色體分析(PGS),經歷完令人提心吊膽既兩個禮拜,佢地兩公婆好早就到診所報到,送檢結果出乎意料地有2粒正常既胚胎,記得當初佢地聽到醫生呢個好消息個陣,再忍唔住心裡面長期既壓力同期待,情緒變得好激動,流住眼淚咁不斷多謝醫生同上天送佢地呢份咁好既禮物。                                                                                                                                           

呢場係同時間既耐力賽,兩公婆有既係最實質鼓勵,原本係想一鼓作氣咁衝到終點,因為先生擔心太太身體,連續六個月既打針抽卵,如果馬上植入既話,負荷會太大,所以決定俾太太休息一陣先再植入。經過就嚟一年既休養,睇到兩公婆帶住興奮既心情黎植入,我知道佢地已經做好哂所有準備,呢個期待左19年既夢想,終於要落係佢地身上。果然,健康既好胚胎終於係媽媽子宮入面發育,一下一下強而有力既心跳,令佢地非常激動。

「紅玫瑰」既花語係代表住熱情真愛、堅貞不渝既愛情,呢次輪到佢同先生許下承諾:「未來無論生離死別,我都會捉住你同你BB既手,一齊幸福咁甜蜜到老。」面對醫學最難克服既年齡魔咒,應該要面對現實?定係選擇放棄?戰勝自己既心魔,靠住堅強既毅力同決心,勇敢面對挑戰,抱住BB既幸福唔再係遙不可及既夢想

By Susan

 

 

即刻起,開始預約您的幸福吧!

留下您的姓名、電話、e-mail與想要諮詢的時間,就會有專人跟您聯繫喔!

 預約網站 :https://www.icryobank.com/hongkong/

 搜尋LINE ID:@icryobank_taipei

 WhatsApp:+886-905-737-501

 E-mail:hk_service@icryobank.com

愛生育(港澳專區) 發表在 痞客邦 留言(0) 人氣()